السلام عليكم ورحمة الله وبركآته ..

تم الإنتقال الى ركب خيرات ..

ليست تابعة للووردبريس ولكن تستخدم سكربت ووردبريس المجاني الخاص بالتدوين

تعريف بخيرات : 

أوصل شكري للغاليه ~ نقاء ~ هي من رشحتني  لأكون من ركبهم ..

http://www.naja2.com/

أسأل الله أن يعطيني وإياكم الخير حيث كآن ..

http://www.nasemalsabah.5irat.com

^

^

هذا رآبــــــــــــــــــط المدونة الجديدة سأكون بإنتظاركم هنآك …

مودتي ..

: )

خيرات هو موقع هدفة خدمة الإسلام و المسلمين يقوم عليه شباب يرد الأجر من الله

ولا يتبع بأي شكل من الأشكال للوردبريس !

السلام عليكم ورحمة الله وبركآته ,

صبــــــآح / مســــــــآء الخيرات والبركات ,

وش أخبآركم ؟ ,عسآكم بخير  , الحمدلله الله يديم على الجميع الصحه والعآفيه

كح .. كح .. يالله حسن الختآم ,

بما اني تعبانه ذا الايام الله يشفيني ويعآفيني انا ” ولين وليان ” خواتي التوينز ..

وش اسوي من يشيل ليان يالبى قلبها >> بتصيح ألحين, خلاص يا امي اسكتي ..

طبعا لي 4 ايام تعبانه واظاهر اكثر ومابي اروح المستشفى والا بالغصب اليوم رحت أنا ولين وليان وأمي ,

أمي معها لين وأنا ليان وكل وحده بمكان >> تعليمات الوالده الكريمه  المشكله ندخل عند الدكتوره مع بعض والله الحاله بس شنسوي لزوم طآعة الماما الله يحفظها

الموهيم خلصنا من دكتورة الأطفال قلت أنا بروح اجيب لي وصفه من الاستقبال عشان اروح أعالج نفسي >> ولنفسك عليك حق ولا ؟؟

قصيت ورقه ورحت للدكتوره وفحصتني فحص كامل ويوم وصلنا لمرحلة وصف الدوا يالله أم الفشله والاحراااج شافة معي ” ليان ” ..

قالت : في حمل ولا حآقه دي الوأتِ  !!!؟؟؟

يالله تنحت وارتفعت حرارتي وبغيت اهج >>بس اظاهر ضيعت الباب من الدوخه

ثم تداركت نفسي ورفعت عليها صوتي لاشعوري بس دفاعا عن النفس لاغير ..

قلت لها : لالا ذي اختي الله مير يسلمتس ما بعد شسمه ذا !!!

هذا موقف اشوا من غيره ..

مره رايحه للمستشفى يوم كانوا “ لين وليان ” بالمهاد ” يعني ” باللفه “

وجالسين بالانتظار انا وأمي كل وحده بجهه >> لزوم التعليمات زي ما ذكرت اعلاه

قعدت جمبي حرمه ” ومشكله الحرمه الي ماتعرف تسكت عاد الااا بالغصب تبي تسولف “

قالت لي : هذا اول مولود لك ماشاء الله ؟؟؟؟؟

“دآآآرت بي الدنيا  وقعدت ,وش ارد عليها ألحين ذي .. أمي تقولي لا توضحين اني أعرفك ولاتعرفيني ولا ان البنات توأم..!!

وش السواة ألحين ..؟؟

قلت لها بعد تفكير عميق, ولأن أمي أدامها الله فوق رؤسنا  ترمقني بعينيها وتغمز لي يعني سلكي سلكي لها ..

قلت : ايه أول مولود >>> مجبّرٌ أخاك لابطل >> ولا بوده مير ..

قالت :وش بها سلامات ؟؟ >>>تورطت ألحين !!

قلت : ابد والله مآناسبها الحليب وتستفرغه الله يكرمك وجبتها يشوفها الدكتور ..

قالت :ياعمري انتي أول مولود تخآفين عليه دايم >>> خآنتني الكلمات 

قلت لها : الله يعين ان شاء الله

الشئ المضحك ان يوم جت الفلبينيه تقول : “ لين ليان ” قمنا مع بعض استغفر الله العظيم هع

بعدها قلت لأبوي : الله يجزاك خير مره ثانيه شل وحده وأمي وحده وش ذاا قسم بالله فشيله ..

أحس اني طولت >> الله يستر مب تكتب وهي مرتفعه حرارتها ومهذريه  هع

يالله  بالخير .. ودعوآتكم لي بالشفاء العاجل لأن بكرى ورانا جآمعه ..

مودتي لكم ..